Nek Rishte – Niyam aur Sharten (Terms and Conditions)

• Yeh platform keval nikah ke uddeshya se istemal kiya ja sakta hai. Kisi bhi prakar ki anaithik gatividhi, chatting ya dating ki anumati nahi hai.
• Har user ko satya aur sachchi jaankari dena anivaarya hai. Galat jaankari dene wale user ka profile, account turant delete kar diya jaayega.
• Mahilaon ki privacy aur sammaan ki raksha Nek Rishte ki pehli zimmedaari hai. Kisi bhi user ko unke profile ka durupyog karne ki anumati nahi hai.
• Har rishta parivaar ki jaankari aur manzoori se hi aage badhega.
• YEH PLATFORM KISI BHI PRAKAR KE BROKER YA AGENT KE LIYE NAHI HAI..
• JO KOI BHI KHUD KO AGENT (MIDDLEMAN) KE ROOP MEIN PESH KARTA HAI, YA RISHTA KARWANE KE LIYE PAISE KI MAANG KARTA HAI — USKA PROFILE / ACCOUNT TURANT DELETE KAR DIYA JAAYEGA.
• Ek mobile number se keval ek profile banayi ja sakti hai. Duplicate ya fake profile/account paaye jaane par unhe delete kar diya jaayega.
• Hum Shariyat ke usoolon aur kanooni disha-nirdeshon ka poora paalan karte hain. Kisi bhi user ko niyamon ke khilaaf jaane ka adhikaar nahi hai.
• Platform ka koi bhi upyogakarta kisi bhi prakar ki apattijanak bhasha ya vyavhaar nahi karega. Islami akhlaaq aur tahzeeb ka paalan karna anivaarya hai.
• Sabhi profile Nek Rishte team dwara manually verify ki jaati hain. Yadi kisi profile mein sandehaspad gatividhi paayi gayi to turant kaaryavahi ki jaayegi.
• Nek Rishte ko poora adhikaar hai ki vah kisi bhi profile ko kisi bhi samay hataane ka nirnay le sakta hai, yadi vah niyamon ka ullanghan kar raha ho.
• Upyogakarta bhi apne profile ko kabhi bhi band kar sakte hain.